Uçurum

Gənc mülkədar Boris Rayski uzun ayrılıqdan sonra doğma kənd malikanəsinə qayıdır. Burada onu nənəsi ilə yanaşı əmisi qızları Marfenka və Vera qarşılayır. İncəsənətə meylli və emosional Rayski qısa zamanda cazibədar və zəkalı Veraya aşiq olur. Lakin qız onunla olduqca soyuq davranır və daxilində nəsə gizlətdiyini büruzə verir.

Çox keçmədən məlum olur ki, Veranın polisin nəzarəti altında olan, cəmiyyətdən qovulmuş Mark Voloxovla gizli münasibəti var. Markın sərbəst eşq barədə baxışları qürurlu Vera ilə aralarında dərin ziddiyyətlər yaradır. Yaranan bu gərgin vəziyyəti sakitləşdirmək üçün isə Veranı sevən başqa bir mülkədar, Tuşin hadisələrə qoşulur.

«Uçurum» («Обрыв») tarixi serialı 2011-ci ildə Rusiyada ekranlaşdırılıb. Ekran əsərinin rejissoru Valeri Fedosovdur. Əsas rollarda Stanislav Belyayev, Anna Kazyuçits, Yevgeni Koryakovski və Mariya Andreyeva çəkiliblər.