Sevgi intizarında 8 il

Tələbə olan Svetlana və Vadim ailələrinin etirazına baxmayaraq evlənməyə hazırlaşırdılar. Lakin qəfil baş verən bədbəxt hadisə onların planlarını alt-üst edir. Sevdiyi qızı qoruyan Vadim davaya qarışır və xuliqanlardan biri həyatını itirir. Məhkəmə gənci səkkiz il azadlıqdan məhrum edir, Svetlana isə tezliklə hamilə olduğunu öyrənir.

Vadimə qohum olan və Svetlananı gizlicə sevən Mixail vəziyyətdən istifadə edir. O, Vadimi inandırır ki, qızın gələcəyini məhv etməmək üçün ondan ayrılmalıdır, sonra isə qıza evlilik təklifi göndərir. Təkbaşına körpə böyütməkdən qorxan Svetlana çarəsizlikdən bu təkliflə razılaşır və bütün diqqətini oğluna yönəldir.

Cəza müddəti bitdikdən sonra Vadim geri dönür və qadın köhnə hisslərinin hələ də ölmədiyini anlayır. 2023-cü ildə çəkilmiş «8 лет в ожидании любви» Rusiya melodram serialının rejissoru Ruslan Pauşudur. Baş rolları Anna Levanova, Vasili Briçenko, Kseniya Zolotuxina və Vladimir Andriyanov canlandırıblar.