Fermer qadın

Olqanın bütün həyatı təsərrüfat işləri ilə keçir və o, böyük fermasını təkbaşına idarə edir. Qadın bütün vaxtını sevimli inəklərinə, bağçada musiqi müəllimi olmağa hazırlaşan qızı Saşaya və əri Oleqə həsr edir. Oleq isə arvadına xəyanət edir və fermanı satıb şəhərdə şəxsi restoranını açmaq barədə planlar qurur.

Saşanın nadir opera səsinə malik olduğu üzə çıxanda ailənin sakit həyatı tamamilə dəyişir. Əvvəlcə anası bu xəyalları əsassız hesab edib qızına mane olur, lakin səsini itirən Saşa xəstələnib zəifləməyə başlayır. Övladını xilas etmək istəyən Olqa həyatını qoyduğu fermanı satır və qızını uzun illərdir tələbə qəbul etməyən təcrübəli pedaqoq İnessa Voytasın yanına aparmaq üçün şəhərə köçür.

«Fermer qadın» adlı Rusiya melodram serialı 2020-ci ildə işıq üzü görüb. Ekran əsərinin quruluşçu rejissoru Sergey Mezentsevdir, baş rolları isə Yelena Panova, Vitali Kudryavtsev, Anastasiya Matveyeva və Aleksandr Userdin canlandırıblar.