Prozreniye

Anna ziyalı bir professor ailəsində böyüyüb və özündən xeyli yaşlı, dürüst bir insanla ailə həyatı qurub. Lakin gənc və yaraşıqlı Martinə aşiq olması onun sakit ailə həyatını tamamilə sarsıdır. Qadın qəfil yaranan bu hissin ona gətirəcəyi fəsadlardan xəbərsiz şəkildə sevgiyə qapılır.

Çox keçmədən qəhrəmanın qarşısına acı həqiqətlər çıxır. Sevgilisinin yalanları və uşaqlıq rəfiqəsinin xəyanəti Annanın həyatını kabusa çevirir. Yaşadığı ağır sarsıntıların və xəyanətlərin içindən çıxmaqda ona başqalarının dərdləri və kədəri kömək olur.

Ukrayna istehsalı olan «Prozreniye» melodram serialı 2020-ci ildə ekranlara çıxıb. Layihənin rejissoru Viktor Kustovdur. Əsas rolları Tatyana Çerdıntseva, Yuliya Amelkina, Yevgeni Yuxnovets və Yuri Dyak canlandırıblar.