Analıq testi

Vera Nikitina gözlənilmədən öyrənir ki, on dörd il ərzində böyütdüyü İra adlı qız onun doğma övladı deyil. Doğum evində körpələrin səhvən dəyişik salındığı üzə çıxır. Vera öz bioloji qızını tapmaq qərarına gəlir və həmin gün dünyaya gəlmiş üç yeniyetmə qız barədə məlumat toplayır.

Həqiqəti üzə çıxarmağa çalışan qadın digər anaları çətinliklə də olsa DNT analizi verməyə razı salır. Nəticədə axtarışlar uğurla bitir və Vera öz doğma qızının Kolominlər ailəsində böyüdüyünü müəyyənləşdirir. İndi həm anaları, həm də yerləri dəyişik düşmüş yeniyetmələri xoşbəxtliyə aparan mürəkkəb bir yol gözləyir.

«Analıq testi» adlı Rusiya istehsalı melodram serialı 2024-cü ildə çəkilib. Layihənin rejissoru Dmitri Panteleyevdir, baş rollarda isə Marina Manyaxina, İvan Brovin, Yelena Ştarova və Nikita Teziv çıxış edir.