Düşməni sevmək

İyirmi yaşına çatan Lena ailəsi haqqında sarsıdıcı həqiqəti öyrənir. Bəlli olur ki, onu böyüdən insanlar əsl valideynləri deyilmiş. Qızın doğma ata və anası isə o dünyaya gəldikdən bir neçə gün sonra qətlə yetirilib.

Vəziyyəti daha da çətinləşdirən məqam odur ki, bu cinayətin təşkilində Lenanın sevdiyi gəncin atası ittiham olunur. Qız sevgilisinə dərin hisslər bəsləsə də, valideynlərinin qanına göz yuma bilmir. O, hisslərinə qalib gələrək sevdiyi insanla yollarını ayırmaq qərarına gəlir.

2021-ci ildə çəkilən «Любить врага» melodram serialının rejissoru Sergey Mezentsevdir. Rusiyada istehsal olunmuş layihənin baş rollarında Serafima Solovyova, Artur Sopelnik, Aleksandr Qalibin və Yelena Zaxarova çəkiliblər.