Katerina

Anasının qətlinə görə atasının həbs olunması Katerina Klimovanın uşaqlıq illərini internat divarları arasında keçirməsinə səbəb olur. Həddi-büluğa çatdıqdan sonra elə həmin uşaq evində tərbiyəçi kimi işə düzələn gənc qız tezliklə qəfil işdən çıxarılır. O, yeni həyata başlamaq üçün yad bir şəhərə üz tutmalı olur.

Yetim statusuna görə ona verilən mənzil yaşayış üçün yararsız vəziyyətdə çıxır, iş axtarışları isə heç bir nəticə vermir. Çətin durumda qalan Katerinaya yerli xəstəxananın baş həkimi Vera Pavlovna dayaq durur. Həkim onu oğlu Vadimlə tanış edir və kişi qıza öz ailəsində dayə kimi çalışmağı təklif edir.

2021-ci ildə çəkilmiş Rusiya istehsalı olan «Katerina» melodram serialının rejissoru Aleksey Karelindir. Layihədə əsas obrazları Pelaqeya Nevzorova, Larisa Udoviçenko, Yevgeni Pronin və Maksim İvanov canlandırıblar.