İki nəfərlik tale

Marinanın günləri çətin zəhmət içində keçir. O, tikiş fabrikində çalışır, axşamlar isə yaşlı atasına qulluq edir və ehtiyac ucbatından əlavə qazanclar axtarır. Bütün bu qayğıların fonunda onun qarşısına bahalı avtomobil sürən varlı bir kişi çıxır. İlk baxışdan aşiq olan Andrey qadına xəyallarındakı münasibəti bəxş edir: dəbdəbəli restoranlar, bahalı hədiyyələr və şəhərdən kənardakı malikanədə keçən istirahət günləri bir-birini əvəz edir.

Lakin bu gözəl mənzərəni Andreyin telefonuna gələn sirli zənglər pozur; o, hər dəfə tələsik gedərək Marinani tək qoyur. Çox keçmir ki, həqiqət üzə çıxır: Andrey əslində sadəcə sürücüdür. Yalanı əsla bağışlamayan Marina əlaqəni dərhal kəsir. İndi Andrey sevdiyi qadının etimadını yenidən qazanmalı, eyni zamanda onu qadınlara qarşı zəifliyi olan öz rəhbərinin marağından qorumalıdır.

«İki nəfərlik tale» («Sudba na dvoikh») adlı Rusiya istehsalı melodram serialı 2024-cü ildə ekranlara çıxıb. Layihənin quruluşçu rejissoru Ruslan Balttserdir. Baş rolları Erika Bulataya, Rodion Qalyuçenko, Sergey Borisov və Mariya Qlazkova canlandırıblar.