Veronika

İllər əvvəl Veronikanın atası yeni həyat yoldaşı Karina ilə qayıqda gəzərkən müəmmalı şəkildə suya düşərək həyatını itirmişdi. Ögey ana şübhə altına düşsə də, istintaq çıxılmaz vəziyyətə dirənərək bağlandı və kiçik qız uşaqlar evinə göndərildi. İllər sonra o, atasının ölümünə görə qisas almaq məqsədilə doğma şəhərinə qayıdır.

Karina evinə xadimə axtardığını elan etdikdə, Veronika bu fürsəti əldən verməməyə qərar verir. O, ögey anasının yanına işə düzələrək keçmişin qaranlıq məqamlarını üzə çıxarmağa və qadının cinayətini sübut etməyə çalışır.

2023-cü ildə yayımlanan Rusiya istehsalı olan «Veronika» serialı melodram janrında çəkilib. Ekran işinin rejissoru Sergey Girgeldir, baş rollarda isə Aleksandra Kaştanova, İvan Zaytsev, Anna Brenner-Vartanyan və Tasya Orlova çəkiliblər.