Qızlar

Ağır idman zədəsi Vera Juravlyovanın güləş karyerasına son qoyur və o, nəqliyyat şirkətində yük maşını sürücüsü işləməyə başlayır. Qadının şəxsi həyatı da qaydasında deyil. Vera sevmədiyi uşaqlıq dostu İqorla birlikdə yaşayır və onunla evlənməyə hazırlaşır. Lakin İqorun anası bu izdivaca qəti şəkildə qarşı çıxır, çünki keçmiş zədə səbəbindən Veranın heç vaxt övladı olmayacaq.

Tale qəhrəmanı iki azyaşlı qızı ilə tək qalmış dul kişi Leonidlə qarşılaşdırır. Gözlənilmədən balaca qız Marişka Veranı öz anası hesab edir. Bu qəribə hadisə bir-birinə yad olan insanların həyatını dəyişir və Veranın öz gələcəyinə başqa gözlə baxmasına səbəb olur.

«Qızlar» («Доченьки») adlı Rusiya serialı 2022-ci ildə rejissor Valeri Devyatilov tərəfindən lentə alınıb. Melodram janrında olan layihədə əsas rolları Darya Şerbakova, İlya Noskov, Sergey Qalaxov və Aleksandr Kulyamin canlandırırlar.