Pod odnoy krışey

Marşrut avtobusu sürücüləri olan Slyozkinlər ailəsi qəpik-quruş hesablayaraq yaşamağa öyrəşib. Lakin elit rayonda mənzil əldə etdikdən sonra onların həyatı tamamilə dəyişir. Təzə qonşuları olan imkanlı Kotlovlar ailəsi isə sadə zəhmətkeşlərlə bir yerdə yaşamaq fikri ilə heç cür barışmaq istəmir.

Sergey Kotlov, xanımı Yekaterina və qayınanası Tamara Pavlovna yeni gələnlərə açıq şəkildə nifrət bəsləyirlər. Tərəflər arasındakı mübahisə getdikcə böyüyür, övladları Rita Slyozkina ilə Arseniy Kotlovun görüşməyə başlaması isə vəziyyəti daha da gərginləşdirir. Valideynlərin acığına başlayan bu münasibət qısa müddətdə səmimi sevgiyə çevrilir.

«Pod odnoy krışey» adlı Rusiya istehsalı melodram serialı 2022-ci ildə işıq üzü görüb. Ekran əsərinin quruluşçu rejissoru Marat Kimdir. Baş rolları Nataliya Vdovina, Aleksey Kolqan, Tamara Akulova və Sergey Parşin canlandırıblar.