Ayrılmazlar

Valideynlərini avtomobil qəzasında itirən on iki yaşlı Tamara soyuqqanlı nənəsinin himayəsinə verilir. Çətin günlərdə ona yalnız qonşuluqda yaşayan İlya arxa durur. On il sonra onların uşaqlıq dostluğu böyük məhəbbətə çevrilir və cütlük birlikdə emalatxana açmağı planlaşdırır. Lakin Tamaraya vurulan varlı moskvalı Makar İlyaya şər ataraq onu yeddi illik həbsə göndərir.

Makara inanan Tamara onunla ailə qurur, lakin çox keçmədən qurulan tələdən xəbər tutur və İlyanın işinə yenidən baxılmasına çalışır. Ağır sınaqlardan sonra sevgililər yenidən bir araya gəlsələr də, qisas almaq istəyən Makar onları rahat buraxmır və hər vasitə ilə təqib etməyə davam edir.

Rusiyanın «Ayrılmazlar» («Неразлучники») melodram serialının rejissoru Yuliya Satarovadır. 2026-cı il istehsalı olan layihədə baş rolları Svetlana Sopiga, İqor Çernyavı, Qriqori Nekrasov və Polina Boqomolova canlandırıb.