Mən kömək edərəm

Psixoloji yardım mərkəzində çalışan Tatyana Arxipova başqalarının dərdinə çarə tapmaqda mahir mütəxəssisdir. Həmkarları ona hörmətlə yanaşsa da, qadının öz şəxsi həyatı qaydasında deyil. Tələbkar anası ilə daim münaqişə yaşayır, yeniyetmə oğlu ilə ünsiyyət qura bilmir, rəfiqəsi Valya isə bütün bu çətinlikləri ailədə kişinin olmaması ilə əlaqələndirir.

Bir gün onun iş yerinə müstəntiq, mayor Vladimir Smaqin gəlir. O bildirir ki, Tatyananın vaxtilə intihardan xilas etdiyi pasiyent sonradan yenidən həyatına qəsd edib. Müstəntiq baş verən bu hadisədə psixoloqun hər hansı təsirinin olub-olmadığını araşdırmalıdır.

«Mən kömək edərəm» adlı Rusiya melodram serialı 2024-cü ildə rejissor Yuri Leyzerov tərəfindən çəkilib. Baş rolları Yekaterina Olkina, Andrey Frolov, Anastasiya Balyakina və Olqa Kuznetsova canlandırıb.