Məni tək qoyma

Olqa valideyn nəvazişindən uzaq böyüyüb: atası o doğulan kimi yoxa çıxmış, anası isə ikiyaşlı qızını nənəsinin yanında qoyaraq xoşbəxtlik axtarışına yollanmışdı. Yeganə yaxını olan nənəsi qızı böyüdüb tərbiyə etdi və onun həkimlik arzusunu gerçəkləşdirməsinə dəstək oldu. İllər sonra Olqa qarşısına qoyduğu məqsədə çataraq cərrah kimi fəaliyyətə başladı.

Ailə həyatı isə gözlədiyi kimi uğurlu alınmadı. Gəncliyində məruz qaldığı zorakılığın fəsadları səbəbindən Olqa uşaq dünyaya gətirə bilmirdi. Əri Valentin isə ona ən yaxın rəfiqəsi ilə xəyanət etdi və bu hadisə boşanma ilə nəticələndi. Ayrılıqdan sonra işinə köklənən cərrah xəstəxanada özündən on yaş kiçik olan ordinator İlya ilə yaxınlaşdı və onların arasında yeni hisslər yarandı.

2025-ci il istehsalı olan «Не оставляй меня одну» melodram serialı Rusiyada lentə alınıb. Layihənin rejissoru Ruslan Pauşudur, əsas obrazları isə Anna Levanova, Nikita Lobanov, Anastasiya Rıseva və Andrey Aladyin canlandırıb.