Enigma

Yüksək tələbləri olan qızlar məktəbində əlaçı şagirdlərin başına ard-arda qorxulu və anlaşılmaz hadisələr gəlir. Ətrafdakılar bu qəfil aqressiya və dəlilik hallarını dərs gərginliyi ilə əlaqələndirsələr də, Fa adlı yuxarı sinif şagirdi hər şeyin arxasında qeyri-adi qüvvələrin dayandığına inanır.

Elə həmin vaxtlarda təhsil ocağına Acin adlı yeni müəllim təyin olunur. Zahirən yöndəmsiz görünən bu şəxs əslində şübhəli davranışlar nümayiş etdirir. Müəllimin baş verənlərlə bağlı olduğunu düşünən Fa onun kimliyini araşdırmağa başlayır və «Enigma» serialında özünü təhlükəli sehr və okkultizm aləminin içində tapır.

Tayland istehsalı olan qorxu və mistika janrlı serial 2023-cü ildə yayımlanıb. Layihənin rejissorları Fiks Nattanon Cettanakan və Nat Thaçay Komolphet, baş rol ifaçıları isə Vin Metavin Opas-iyamkacorn və Prim Çanikarn Tanqkabodidir.