Polnoluniye

1970-ci illərdə Buryatiya kəndlərinin birində qurd sürüsü gənc müəllim Aleksey Lebedev və xanımı Katyanı qətlə yetirir. Bu qırğından yalnız onların azyaşlı oğulları Kirill və Filipp sağ çıxır, lakin uşaqlardan birini qoca canavar dişləyir. Uşaq evinə göndərilən qardaşlardan müasir dövrə ancaq Kirill gəlib çatır; Filipp müəmmalı şəkildə yoxa çıxaraq ölmüş sayılsa da, cəsədi tapılmır.

İllər sonra Moskvaətrafı qəsəbələrin birində yerli fermerin mal-qarası vəhşicəsinə tələf edilir. Bu hadisəni araşdırmağa başlayan milis işçiləri Stanislava Oşurkova və Anton Mixaylişin tezliklə kənd sakinlərinin bir-bir həyatını itirdiyi dəhşətli silsilə ilə qarşılaşırlar.

Qorxu janrında çəkilən dördbölümlü Rusiya serialı «Polnoluniye» 2004-cü ildə rejissor Sergey Beloşnikov tərəfindən lentə alınıb. Baş rolları İqor Boçkin, Mariya Poroşina, Dmitri Ulyanov və Vladimir Yepifantsev canlandırıblar.