Numbers

İnsan düşüncəsinin təkamülü müasir sivilizasiyanın əsasını qoyan riyazi kəşflərlə sıx bağlıdır. «Numbers» sənədli serialı bəşər tarixinə istiqamət vermiş əsas anlayışları — pi, sonsuzluq, naməlum x dəyişəni, sıfır və xəyali vahid i simvollarını araşdırır. Bu anlayışların hər biri müxtəlif dövrlərdə alimlərin göstərdiyi zəhmətin nəticəsidir.

Ekran əsəri tədqiqatçıların bu mühüm qənaətlərə gəlmə prosesini və atılan addımları təqdim edir. Həmçinin alimlərin elmi axtarışlarının böyük kəşflərə və cəmiyyətin tərəqqisinə necə təkan verdiyi ətraflı şəkildə izah olunur.

Cənubi Koreya istehsalı olan elmi-kütləvi televiziya layihəsi 2016-cı ildə yayımlanıb. Çoxseriyalı sənədli ekran işinin rejissorluğunu Kim Hyon-cun həyata keçirib.