Narkobiznes

Mərkəzi Kəşfiyyat İdarəsinin keçmiş əməliyyatçısı, hazırda isə jurnalist və yazıçı kimi fəaliyyət göstərən Amarillis Foks qlobal qanunsuz ticarətin iqtisadi tərəflərini araşdırır. «The Business of Drugs» adlı sənədli serial beynəlxalq qara bazarın hansı qanunlarla idarə olunduğunu və bu mexanizmlərin necə işlədiyini təhlil edir.

Layihə kokain, heroin, sintetik maddələr, metamfetamin, opioid və kannabis kimi müxtəlif istiqamətlərə ayrılır. Müəllif təchizat zəncirini və böyük maliyyə dövriyyəsini göstərərək, bu sahənin nə üçün dünyanın ən gəlirli ticarət sistemi olaraq qaldığını detallı şəkildə izah edir.

ABŞ istehsalı olan altı seriyalı ekran əsəri 2020-ci ildə nümayiş olunub. Rejissor kürsüsündə Erik Osterholm və Cessi Svit əyləşiblər, verilişdə isə aparıcı ilə yanaşı Yasmin Herd, Rodriqo Kanales və Amadu De Andres kimi ekspertlər iştirak edirlər.