Kainat

Müasir elmi araşdırmalar minlərlə yeni planetin mövcudluğunu sübut edərək kosmosun təsəvvürəgəlməz miqyasını üzə çıxarıb. Sayı qum zərrələrindən qat-qat çox olan ulduzların arasında isə həyat hələlik yalnız Günəş sistemi daxilindəki Yer planetində qeydə alınıb. «Universe» sənədli serialı tamaşaçıları kosmik fəzanın fundamental sirləri ilə tanış edir.

Ekran əsərinin beş seriyası Böyük partlayış anından başlayaraq ulduzların yaranmasına qədər olan böyük bir dövrü əhatə edir. Layihədə Süd Yolu qalaktikasının başqa bir sistemlə gələcək toqquşması və uzaq fəza guşələrində baş verən xaos elmi faktlar əsasında nümayiş etdirilir. Veriliş ən müasir astronomik kəşfləri izahlı şəkildə təqdim edir.

Böyük Britaniya istehsalı olan bu sənədli layihə 2021-ci ildə işıq üzü görüb. Rejissorları Ashley Gething və Suzy Boyles olan serialda aparıcı qismində Brian Cox, həmçinin Gibor Basri, Grant Tremblay və Kimberly Arcand kimi tədqiqatçılar yer alıb.