Sonya Superfrau

Dünyanın ən güclü xüsusi xidmət orqanları sovet kəşfiyyatçısı Ursula Kuçinskinin izinə düşməyə çalışırdı. Qomindan polisi, alman Abveri və Gestaposu, Yaponiya, İtaliya, İsveçrə, Polşa, Rumıniya agentləri, eləcə də ABŞ və Britaniya kəşfiyyatı onu axtarsa da, heç kim bu qadını ələ keçirə bilmədi.

Sovet hərbi kəşfiyyatında Sonya ləqəbi ilə fəaliyyət göstərən casus bir çox ölkələrdə ən mühüm tapşırıqları yerinə yetirirdi. Həyatının sonrakı illərində isə o, bütün dünyada məşhur yazıçı Rut Verner kimi tanındı. «Sonya Superfrau» sənədli serialı onun gizli və təhlükəli fəaliyyət yolundan bəhs edir.

2019-cu ildə Rusiyada çəkilən ekran əsərinin rejissoru Andrey Nikişindir. Əsas rolları İrina Voronova, Oleq Tsarev, Aleksandr Makarşin və Yanita Suxova canlandırıblar.