Jan-Klod Van Damm: Bağlı qapılar arxasında

Belçikalı məşhur döyüş ustası doxsanıncı illərin məşhur döyüş filmləri sayəsində bütün dünyada şöhrət qazanıb. «Jean Claude Van Damme: Behind Closed Doors» sənədli serialı ulduz aktyorun çəkiliş meydançasından kənardakı gündəlik həyatına və ailə məişətinə nəzər salır.

Layihə qəhrəmanın həm ictimai tədbirlərini, həm də şəxsi məkanını əhatə edərək onun xarakterinin müxtəlif tərəflərini göstərir. İzləyicilər parlaq jurnalların üz qabığında görünən məşhurun kədərli və sevincli anlarına, eləcə də onun haqqında maraqlı faktlara şahidlik edir.

Böyük Britaniya istehsalı olan layihə 2011-ci ildə rejissor Cared Rayt tərəfindən lentə alınıb. Serialda Jan-Klod Van Damm ilə yanaşı Ceyson Fleminq, həmçinin aktyorun övladları Byanka Bricitt Van Damm və Kris Van Damm yer alıblar.