Okean nəhəngləri

Kitlər və delfinlər milyon illər ərzində sualtı aləmdə özünəməxsus qaydalarla yaşayırlar. Mavi balina planetimizdə bu günə qədər mövcud olmuş ən böyük canlı hesab olunur. Bu dəniz məməlilərinin daxili aləmi insan dünyasından xeyli fərqlənir və uzun müddət gizli qalıb.

«Ocean Giants» sənədli serialı insanlarla bu nəhənglər arasındakı münasibətlərin tarixini, ovçuluqdan tədqiqata keçid mərhələsini əks etdirir. Alimlər onların çıxardığı müəmmalı səsləri və ünsiyyət vasitələrini anlamaq üçün suyun dərinliklərinə enirlər. Okean sakinlərinin gizli həyat tərzi müasir elmin əsas araşdırma mövzularından biri olaraq qalır.

Böyük Britaniya istehsalı olan layihə 2011-ci ildə nümayiş olunub. Rejissor kürsüsündə İnqrid Kvale və Mark Braunlou əyləşib, çəkilişlərdə isə Stiven Fray, Daq Allen, Didye Nuare və Ari Fridlənder iştirak edib.