Broken

Kütləvi istehlak mallarının arxasında duran təhlükələr bəzən alıcıların sağlamlığı üçün ciddi fəsadlar yaradır. «Broken» sənədli serialı böyük şirkətlərin qazanc naminə təhlükəsizlik qaydalarına etinasız yanaşmasını və aqressiv marketinqin mənfi nəticələrini araşdırır. Hər bir mövzu müəyyən məhsul növünün populyarlaşma səbəblərindən başlayaraq biznesin qaranlıq tərəflərini göstərir.

Layihə dörd fərqli sahəyə diqqət yetirir: saxta kosmetika bazarı, elektron siqaretlər, ucuz mebel istehsalı və plastik tullantıların təkrar emalı. Mütəxəssislər və hadisə şahidlərinin iştirakı ilə xərclərin azaldılması arxasında gizlənən təhlükəli amillər təfərrüatlı şəkildə təhlil olunur.

ABŞ istehsalı olan bu sənədli layihə 2019-cu ildə işıq üzü görüb. Rejissor kürsüsündə Sarah Holm Johansen və Stiv Rivo əyləşib, çəkilişlərdə isə Jenise Morgan, Bella Carroll, Lexy Lebsack və Janet McGee iştirak ediblər.