Oğru meymunlar

Hindistanın Caypur şəhərinin küçələrində qeyri-adi bir dəstə dolaşır. Bu dəstənin üzvləri yerli əhali tərəfindən müqəddəs sayılan zirək meymunlardır. İnsanların onlara olan ehtiramından istifadə edən heyvanlar şəhər sakinləri və qonaqlar arasında sərbəst şəkildə qida axtarışına çıxırlar.

Heyvanlar aləminin bu hiyləgər nümayəndələri Qalta məbədində məskunlaşıblar. Dindarların daimi himayəsi altında yaşayan meymunlar özlərini tam təhlükəsiz hiss edirlər. «Monkey Thieves» sənədli serialı bu canlıların gündəlik həyat tərzini, məbəd divarları arasındakı davranışlarını və şəhərdəki macəralarını izləyir.

Niderland istehsalı olan bu layihənin rejissoru Ellison Bindir. İlk dəfə 2008-ci ildə nümayiş olunan sənədli ekran əsəri ümumilikdə iki mövsümdən ibarətdir.