Yatanların lənəti

Qədim əfsanəyə görə, həyat yoldaşına dəlicəsinə bağlı olan bir rəssam onun can verən ruhunu çəkdiyi portretdə həbs edə bilib. O vaxtdan bəri yatan insanların təsvir olunduğu və hər birində insan ruhunun gizləndiyi rəsmlər haqqında şayiələr gəzir. İmkankı iş adamı Pavel Voronov bu qorxunc kətanları axtarıb vahid kolleksiya yaratmaq qərarına gəlir. Bu işdə ona fotoqraf Kostya və sənətşünas Aqnessa kömək edir.

Eyni zamanda, rəssam Aleksey Tixonov da həmin əsərlərin izinə düşür; onun əsas məqsədi qədim ustanın sirrinə yiyələnərək ruhları kətana köçürməyi öyrənməkdir. Əsrarəngiz rəsmlərlə maraqlanan tanınmış digər bir rəssamın qətli bütün bu əhvalatı sıradan bir rəvayət olmaqdan çıxarır. Hadisələr qəfildən qaranlıq və təhlükəli bir məcraya yönəlir.

«Yatanların lənəti» (Проклятие спящих) adlı Rusiya istehsalı olan triller serialı 2017-ci ildə işıq üzü görüb. Ekran əsərinin rejissorları İlya Kulikov və Nikita Qrammatikovdur. Layihənin əsas rollarını Aleksandr Sokolovski, Sofiya Kaştanova, Yevgeni Stıçkin və Yuri Çursin canlandırıb.