Son həftəsonu

Köhnə dostlardan ibarət iki cütlük dörd günlük bayram istirahətini Saffolk qraflığında yerləşən şəhərkənarı evdə birlikdə keçirmək qərarına gəlir. Lakin xoş ab-havada başlayan bu görüş tədricən gözlənilməz və qorxulu hadisələr zəncirinə çevrilir.

Hadisələri fəhlə təbəqəsindən olan İan nəql edir. O, keçmişə qayıdaraq kübar zümrədən olan dostu Olli ilə münasibətlərinin başlanğıcını xatırlayır və bu istirahət günlərində baş verən gərginliyin köklərini üzə çıxarmağa çalışır.

Böyük Britaniya istehsalı olan «The Last Weekend» serialı 2012-ci ildə rejissor Con İst tərəfindən ekranlaşdırılıb. Bleyk Morrisonun romanı əsasında çəkilən trillerdə baş rolları Rupert Penri-Cons, Şon Evans, Jenevyev O’Rayli və Kler Kilen canlandırıb.