Şübhə altında

Yeddi yaşlı Alisiya Veqa ilk müqəddəs birləşmə mərasimi zamanı qəfil yoxa çıxır. İki həftə davam edən axtarışlardan sonra polis anlayır ki, hadisədə əli olan şəxs yalnız ailə üzvlərindən və ya mərasimə dəvət edilən qonaqlardan biri ola bilər. Hadisəni araşdırmaq üçün xəfiyyələr Viktor və Laura ər-arvad cildinə girərək ailənin içinə sızmaq qərarına gəlirlər.

Bir-birini əvvəllər heç tanımayan bu iki əməkdaş tamamilə fərqli xarakterə malikdir. Laura qaydalara dəqiqliklə əməl edən və nizam-intizama güvənən biri olduğu halda, Viktor həqiqəti üzə çıxarmaq üçün hər cür riskə gedən çılğın biridir. Birlikdə vaxt keçirməyə məcbur qalan bu cütlük Veqa ailəsinin gizlətdiyi sirlərlə üzləşir və günahkarı tapmağın düşündüklərindən qat-qat çətin olduğunu görür.

«Bajo sospecha» adlı İspaniya istehsalı olan triller serialı 2014-cü ildə işıq üzü görüb. Ekran əsərinin rejissorları Migel Konde və Xorxe Torreqrossadır, baş rolları isə Yon Qonsales, Mariya Botto, Yuqo Beker və Lyuis Omar canlandırıb.