Rieltor

İki hiyləgər dələduz daşınmaz əmlakla bağlı maxinasiyaları gəlirli bir peşəyə çevirirlər. Şəriklər ustalıqla cilddən-cildə girir, fərqli obrazlar yaradır və arxalarında heç bir iz qoymurlar. Onların qurbanları isə hər deyilənə inanan sadəlövh insanlar olur.

Cinayətkarların hər yeni fırıldağı əvvəlkindən tamamilə fərqlənir. Təcrübəli fırıldaqçı gah sevgilisini xaricə aparmaq istəyən varlı iş adamı, gah prestijli mənzilini satan içki düşkünü, gah da bəxtini sınamağa çalışan uğursuz biri kimi çıxış edir. Bu hiylələr milisi çaşdırır və onlar şəhərdə böyük bir cinayətkar dəstənin fəaliyyət göstərdiyini zənn edirlər.

Triller janrında çəkilmiş Rusiyanın «Rieltor» serialı 2005-ci ildə ekranlara çıxıb və iki mövsümdən ibarətdir. Layihənin rejissoru Aleksandr Xvandır, əsas rolları isə Roman Ageyev, Aleksey Barabaş, İqor Botvin və Valeri Deqtyar canlandırıb.