Extremely Dangerous

Nil Birn həyat yoldaşı və azyaşlı övladının qətlində təqsirli bilinərək məhkum edilir. Qərardan narazı qalan məhkum hərəkətdə olan qatardan tullanaraq gecənin qaranlığında yoxa çıxır və arxasında yalnız cildli bir kitab qoyur. Mançesterdə gizlənən Nil həm yerini gizli saxlamağa, həm də əsl günahkarları tapmağa çalışır.

Heç kim onun günahsızlığına inanmasa da, Birn qəddar cinayətkar şəbəkəni addım-addım izləyir. O, bir tərəfdən polislərdən və dövlət agentlərindən qaçır, digər tərəfdən isə öz adını təmizə çıxarmaq üçün təhlükəli mübarizə aparır. Çox keçmir ki, bütün bu təqiblərin arxasında dayanan gizli qüvvələrin başqa qaranlıq sirlər gizlətdiyi məlum olur.

Böyük Britaniya istehsalı olan «Extremely Dangerous» triller serialı 1999-cu ildə işıq üzü görüb. Ekran əsərinin quruluşçu rejissoru Selli Aprahamiandır, baş rolları isə Şon Bin, Culyett Obri, Ralf Braun və Entoni But canlandırıb.