Detektiv

Əyləncə məkanında nüfuzlu ailənin oğlunun qətlə yetirilməsi şəhərdə böyük səs-küyə səbəb olur. Bu cinayəti araşdırmaq istintaq idarəsinin ciddi xəfiyyəsi Çen Yan və onun köməkçisi Su Venyueyə tapşırılır. Onların sırasına həmçinin idarədə işə təzə başlayan və qəribə davranışları ilə seçilən məhkəmə tibb eksperti Tszyun Utszzyu da qoşulur.

İlk vaxtlar həmkarlar arasında inamsızlıq və fikir ayrılıqları yaranır. Lakin yeni ekspertin güclü müşahidə qabiliyyəti və intuisiyası sayəsində komanda ortaq məxrəcə gələrək birgə fəaliyyətə başlayır. Şübhəli detalları addım-addım birləşdirən təhqiqatçılar bu müəmmalı hadisənin izinə düşürlər.

Çin istehsalı olan «The Detective» serialı rejissor Jason So tərəfindən 2021-ci ildə ekranlaşdırılıb. Ekran əsərinin baş rollarında Run Chen, Li Xi Zi, Yang Fu Yu və Zhu Rong Jun çəkiliblər.