Ghost Runner

Don Pa Thap adlı tərk edilmiş kollecin ərazisində yüngül atletika üzrə məşq toplanışı təşkil olunur. Düşərgəyə gələn Namo burada tək qalmağı xoşlayan və hamıdan uzaq qaçan Pound ilə tanış olur. Gənclər vaxt keçdikcə bir-birinə bağlanır və aralarında romantik hisslər yaranır.

Lakin düşərgədə qorxulu və izaholunmaz hadisələr baş qaldırır. İdmançılar kabuslarla üzləşir, bəziləri isə sirli qüvvələrin təsiri altına düşür. Qaçış yarışlarına hazırlaşan tələbələr bu tədris ocağının keçmişində baş vermiş faciəni, həmçinin direktor, müəllim və şagirdin ölümü ilə bağlı sirləri araşdırmalı olurlar.

Tayland istehsalı olan «Ghost Runner» mistik serialı 2020-ci ildə işıq üzü görüb. Ekran əsərinin baş rollarında Link Thanawee Phongphasawat və Namo Jinna çəkiliblər.