Raykar işi

Qoanın ən zəngin və nüfuzlu ailələrindən biri olan Raykarlar gözlənilməz faciə ilə üzləşirlər. Nəslin ən gənc üzvü, yeniyetmə Tarun qayadan yıxılaraq həyatını itirir. İlkin ehtimallara görə hadisə intihar kimi qələmə verilsə də, gəncin ölümündən əvvəl qoyub getdiyi işarə onun yaxınları tərəfindən qətlə yetirildiyinə dair şübhələr yaradır.

İşi araşdırmaq polis zabiti Con Pereyraya tapşırılır. Həqiqəti öyrənmək istəyən mərhumun bacısı Etaşa da təhqiqata qoşulur. Çox keçmir ki, ailənin hər bir üzvünün cinayətdə əli ola biləcək gizli niyyətləri və sirrləri üzə çıxmağa başlayır.

«The Raikar Case» adlı Hindistan istehsalı triller serialı 2020-ci ildə işıq üzü görüb. Rejissor Aditya Sarpotdarın lentə aldığı ekran işinin baş rollarında Atul Kulkarni, Aşvini Bhave, Parul Qulati və Nil Bxupalam çəkiliblər.