Bekaaboo

Yazıçı Kiyan Roy qələmə aldığı erotik bestseller sayəsində böyük şöhrət qazanıb. Sevgilisi Anayşa ilə nişanlanmağa hazırlaşan Kiyanın həyatı kənardan son dərəcə uğurlu təsir bağışlayır. Lakin o, hər kəsdən gizli şəkildə həzzin ağrı ilə birləşdiyi təhlükəli cinsi fantaziyalara aludə olub.

Onun gizli meyllərindən xəbərdar olan Kaşti adlı inadkar bir qadın həyatına daxil olanda vəziyyət tamam dəyişir. Bu arzulanan meylləri gerçəkləşdirməyi təklif edən qadının cazibəsinə tab gətirə bilməyən Kiyan qadağan olunmuş hisslərə təslim olur və düşünülmüş hiylələrin toruna düşür.

2019-cu ildə Hindistanda istehsal edilmiş «Bekaaboo» triller serialı rejissor Akshay Choubey tərəfindən lentə alınıb və iki mövsümdən ibarətdir. Ekran əsərinin əsas obrazlarını Rajiv Siddhartha, Priya Banerjee, Sneha Upadhyay və Jitendra Hirawat canlandırıblar.