Reverse

Qapalı xarakterə malik ofis işçisi Kazuhisa Fukase sakit günlərini yalnız sevdiyi qəhvəni dəmləməklə keçirir. Tez-tez baş çəkdiyi qəhvəxanada Mihoko Oçi ilə tanış olduqdan sonra aralarında səmimi münasibət yaranır. Lakin sevgilisinin ünvanına gələn anonim məktub hər şeyi alt-üst edir, çünki həmin qeyddə Fukase qatillikdə ittiham olunur.

Bu gözlənilməz ittiham baş qəhrəmanı on il əvvəl baş vermiş kədərli hadisələri xatırlamağa məcbur edir. Hələ tələbəlik illərində çıxdıqları səfər zamanı onun yaxın dostu müəmmalı şəkildə həyatını itirmişdi. Kazuhisa keçmişdə qaldığını sandığı bu qaranlıq hadisə ilə yenidən üz-üzə qalır.

«Reverse» adlı Yaponiya istehsalı olan triller serialı 2017-ci ildə tamaşaçılara təqdim edilib. Ekran işinin rejissorluğunu Ayuko Tsukahara və Takeyoshi Yamamoto həyata keçirib. Baş rolları Tatsuya Fujiwara və Erika Toda canlandırıb.