
Aleksandr İnşakov
- Doğum tarixi
- 23 yanvar 1947 (79 yaş) · Dolça
- Doğum yeri
- Moskva, Rusiya
Aleksandr İnşakov — 23 yanvar 1947-ci ildə Moskvada anadan olmuş sovet və rusiyalı prodüser, aktyor, rejissor və kaskadyordur. Kinematoqrafçının yaradıcılıq bioqrafiyası 1976-cı ildə «Mosfilm» studiyasında kaskadyorluqla başlamış, daha sonra o, tryuk quruluşçusu kimi fəaliyyətini davam etdirmişdir. Mixail Tumanişvilinin çəkdiyi «Otvetnıy xod» filmində qırx nəfərlik kaskadyor heyətinə rəhbərlik etməsi onun ilk böyük işlərindən biri olmuşdur. 1980-ci illərdə «Sluçay v kvadrate 36-80», «Bez osobogo riska» və «Odinoçnoye plavaniye» kimi filmlərdə epizodik rollar canlandıran Aleksandr İnşakov, 1992-ci ildə «Krısinıy uqol» döyüş filmində ilk böyük rolunu almışdır. 1995-ci ildə isə o, «Krestonosets» ekran əsərində baş qəhrəmanı canlandırmışdır. Aktyor və kaskadyorluq fəaliyyəti ilə yanaşı prodüserlik də edən İnşakovun ən uğurlu layihələrindən biri 2002-ci ildə işıq üzü görmüş məşhur «Briqada» serialıdır.



