
Naum Ardaşnikov
- Doğum tarixi
- 18 iyul 1931 · Xərçəng
- Ölüm tarixi
- 31 mart 2012 (80 yaş)
- Doğum yeri
- Moskva, Rusiya
Naum Ardaşnikov — məşhur sovet və rus kinorejissoru və operatoru, RSFSR-in əməkdar incəsənət xadimidir. Kino xadimi 18 iyul 1931-ci ildə Moskvada anadan olub. 1958-ci ildə Ümumittifaq Dövlət Kinematoqrafiya İnstitutunun (VGIK) operatorluq fakültəsini Aleksandr Qalperinin emalatxanasında bitirib. 1959-cu ildən etibarən Naum Ardaşnikov fəaliyyətini «Tacikfilm» kinostudiyasında ikinci operator və kombinəolunmuş çəkilişlər üzrə mütəxəssis kimi davam etdirib. Burada çalışdığı beş il ərzində operator kimi «Dəmirçinin bayrağı», «Sükut olmayacaq» və «Sabaha qədər» filmlərini lentə alıb. 1965-ci ildən «Mosfilm» kinostudiyasında çalışan sənətkarın rejissor kimi ən mühüm işlərindən biri 1980-ci ildə ekranlara çıxan «Köhnə Yeni il» («Staryy Novyy god») komediyasıdır. 1974-cü ildə əməkdar incəsənət xadimi fəxri adına layiq görülən rejissor 31 mart 2012-ci ildə vəfat etmiş və Moskvada Alekseyev qəbiristanlığında dəfn olunmuşdur.


