İqor Krasavin

Doğum tarixi

16 aprel 1971 · Qoç

Ölüm tarixi

7 avqust 2009 (38 yaş)

İqor Krasavin — «Ne pokiday…» musiqili nağıl filmində canlandırdığı baş rolla tanınan belaruslu sovet aktyorudur. O, 16 aprel 1971-ci ildə Minskdə anadan olmuşdur. İqor Krasavinin kinoya gəlişi tamamilə təsadüfi olub: hələ 10-cu sinifdə oxuyarkən rejissor Leonid Neçayev onu Minsk metrosunda görmüş və filmdə çəkilməyi təklif etmişdir. 1989-cu ildə işıq üzü görən «Ne pokiday…» filmindəki Patrik obrazı ona böyük şöhrət qazandırmışdır. Ekran əsərindən sonra bir çox rejissordan təklif alsa da, valideynlərinin narazılığı səbəbindən aktyorluq fəaliyyətini davam etdirməmişdir. O, 1989-cu ildə Belarus Politexnik İnstitutuna daxil olmuş, 1994-cü ildə isə Belarus Politexnik Akademiyasını körpülər və tunellər ixtisası üzrə bitirmişdir. Tikinti təşkilatında çalışan və mətbuata müsahibə verməkdən qəti şəkildə imtina edən İqor Krasavinin iştirakı ilə filmlər bir ekran işi ilə məhdudlaşmışdır. O, 7 avqust 2009-cu ildə Minsk şəhərində anevrizmanın partlaması nəticəsində vəfat etmişdir.