Donald Qlover

Doğum tarixi

25 sentyabr 1983 (43 yaş) · Tərəzi

Doğum yeri

Edvards, ABŞ

Boy

1.76 m

Donald Qlover — həm kino, həm də musiqi sahəsindəki fəaliyyəti ilə məşhurlaşan amerikalı aktyor, rejissor, prodüser, ssenarist və musiqiçidir. O, 25 sentyabr 1983-cü ildə Kaliforniya ştatının Edvards bölgəsində anadan olmuş, Stone Mountain şəhərində bacı və qardaşı ilə birlikdə böyümüşdür. Atası poçt işçisi, anası isə tərbiyəçi işləyən Qlover daha sonra Nyu-York Universitetində təhsil almış və yaradıcılıq yoluna qədəm qoymuşdur. Donald Qloverin iştirakı ilə filmlər və seriallar tamaşaçılar tərəfindən hər zaman böyük maraqla qarşılanır. O, ilk böyük uğurunu «Community» (2009) serialında canlandırdığı Troy Barnes obrazı ilə qazanmışdır. Daha sonra müəllifi, rejissoru, prodüseri olduğu və baş rolu (Earnest Marks) oynadığı «Atlanta» (2016) serialı ona 2017-ci ildə həm «Qızıl Qlobus», həm də «Emmi» mükafatlarını gətirmişdir. Sənətçi eyni zamanda «The Martian» (2015), «Solo: A Star Wars Story» (2018) filmlərində oynamış, «The Lion King» (2019) və «Mufasa: The Lion King» (2024) cizgi filmlərində Simba obrazını səsləndirmişdir. Donald Qlover həmçinin Childish Gambino təxəllüsü ilə musiqi dünyasında da böyük uğurlara imza atmışdır. Şəxsi həyatına gəldikdə, o, 2015-ci ildən Mişel Uayt ilə münasibətdədir və cütlüyün Legend, Dreyk adlı, eləcə də adı açıqlanmayan üçüncü oğlu olmaqla ümumilikdə üç övladı böyüyür.