
Tanya Roberts
- Doğum tarixi
- 15 oktyabr 1949 · Tərəzi
- Ölüm tarixi
- 4 yanvar 2021 (71 yaş)
- Doğum yeri
- Bronks, ABŞ
Tanya Roberts — 1980-ci illərin əvvəllərində məşhurluq qazanmış amerikalı aktrisadır. Əsl adı Viktoriya Li Blüm olan sənətçi 15 oktyabr 1949-cu ildə Nyu-York şəhərində anadan olub. Məktəbi erkən tərk edərək jurnal və televiziya reklamlarında çəkilməyə başlayıb. 19 yaşında Barri Roberts ilə ailə qurduqdan sonra Tanya Roberts adını qəbul edib. O, Nyu-Yorkdakı Aktyorluq Studiyasında Li Strasberq və Uta Haqendən dərslər alıb. Aktrisanın kinoda ilk işi 1975-ci ildə «Forced Entry» filmində olub. 1977-ci ildə Hollivuda köçdükdən sonra «Tourist Trap» (1979) filmi və iki min namizəd arasından seçildiyi «Charlie's Angels» (1980) serialı ilə karyerasını davam etdirib. Robertsə dünya şöhrətini «A View to a Kill» (1985) filmindəki Ceyms Bondun tərəf-müqabili rolu qazandırıb. Həm bu ekran işinə, həm də «Sheena» filminə görə o, «Qızıl Moruq» mükafatına namizəd göstərilib. Daha sonra «Night Eyes» (1990) və «Inner Sanctum» (1991) kimi trillerlərdə rol alıb. Tanya Roberts iştirakı ilə film və seriallar arasında ən uğurlu layihələrdən biri 1998–2004-cü illərdə Midc Pinsiotti rolunu canlandırdığı «That '70s Show» teleserialı olub. Aktrisa 4 yanvar 2021-ci ildə Los-Ancelesdə vəfat edib.



