Kevin Ceyms

Doğum tarixi

26 aprel 1965 (61 yaş) · Buğa

Doğum yeri

Mineola, ABŞ

Kevin Ceyms (əsl adı Kevin Corc Knipfinq) — məşhur komediya rolları ilə tanınan amerikalı aktyor, komik, ssenarist və prodüserdir. O, 26 aprel 1965-ci ildə ABŞ-ın Nyu-York ştatının Mayneola şəhərində anadan olub. Kevin sığorta agenti və katibə ailəsində, böyük qardaşı ilə birlikdə böyümüşdür. Təhsilini Nyu-York Dövlət Universitetində alan aktyor sənətə stend-ap komiki kimi başlayıb və Devid Lettermanın şousundakı çıxışları ilə məşhurluq qazanıb. Kevin Ceyms yaradıcılığı boyu yaxın dostu Adam Sendler ilə birlikdə bir çox uğurlu layihələrdə yer alıb. Aktyorun film karyerasında «Paul Blart: Mall Cop» (2009), «Grown Ups» (2010), «Zookeeper» (2011), «Here Comes the Boom» (2012) və «Pixels» (2015) kimi məşhur komediyalar mühüm yer tutur. Saytımızda Kevin Ceymsin iştirak etdiyi filmlər sırasında onun Albert rolunu canlandırdığı «Hitch» (2005) komediyası, Frankenşteyn obrazını səsləndirdiyi «Hotel Transylvania» (2012) animasiyası və Dr. Foks rolunda çəkildiyi «Little Boy» (2014) dramı təqdim olunur. Sənətçinin şəxsi həyatına gəldikdə, o, 2004-cü ildən model Steffi De La Kruz ilə evlidir. Cütlüyün Kannon adlı bir oğlu, həmçinin Sienna, Şi və Sistin adlı üç qızı böyüyür.