Making the Cut

Dünyanın müxtəlif ölkələrindən gələn on iki dizayner və sahibkar moda sənayesində öz adını tanıtmaq üçün yarışa başlayır. İştirakçılar hazırladıqları geyimləri sərt münsiflər heyətinə təqdim edərək həm yaradıcılıq qabiliyyətlərini, həm də biznes bacarıqlarını nümayiş etdirirlər.

Naomi Kempbell, Nikol Riçi, Jozef Altuzarra, Karin Roytfeld və Kiara Ferranyinin yer aldığı münsiflər komandası hər həftə dizaynerlərin işlərini qiymətləndirir. Bəyənilən geyimlər dərhal satış platformasına çıxarılır, layihənin qalibi isə öz brendini böyütmək üçün bir milyon dollar məbləğində mükafat əldə edir.

ABŞ istehsalı olan «Making the Cut» realiti-şousunun premyerası 2020-ci ildə baş tutub və layihə 3 mövsüm davam edib. Proqramın aparıcıları qismində Haydi Klum və Tim Qann çıxış edir, rejissor kürsüsündə isə Remi Romani əyləşib.