Evakuasiya

2021-ci ilin avqustunda müttəfiq qüvvələr Əfqanıstanı tərk etməyə hazırlaşarkən «Taliban» hərəkatı sürətlə irəliləyir. Belə bir vəziyyətdə britaniyalı hərbçilər mümkün təxliyə prosesini təşkil etmək üçün Kabilə göndərilir. Əsasən təcrübəsiz gənclərdən ibarət kiçik heyətə diplomatların, Britaniya vətəndaşlarının və köçmək hüququ olan əfqanların çıxarılmasını təmin etmək tapşırılır.

Paytaxt gözləniləndən qat-qat tez bir zamanda taliblərin nəzarətinə keçir. Ölkədən çıxmaq istəyən minlərlə təşviş içində olan yerli sakin hava limanına axışır. Nəticədə hərbçilər aeroport ərazisində dərin humanitar böhranla üz-üzə qalırlar.

2023-cü il istehsalı olan «Evacuation» sənədli TV-şousu həmin dövrdə baş verən gərgin anları iştirakçıların dilindən təqdim edir.