Bərpaçılar

Memarlıq antikvarı üzrə mütəxəssis Dryu Pritçard nadir və qədim əşyaların axtarışı üçün bütün Britaniyanı qarış-qarış gəzir. Tapılan tarixi nümunələrin əksəriyyəti zamana tab gətirməyərək sıradan çıxmış, qırılmış və ya xeyli köhnəlmiş vəziyyətdə olur. Bu səbəbdən tapıntıların yenidən dəyər qazanması üçün peşəkar sənətkarların köməyinə ehtiyac yaranır.

Ağac, metal, dəri, parça və şüşə üzrə ixtisaslaşmış ustalar hər bir detalı incəliklə təmir edərək onlara ilkin formasını qaytarırlar. Əşyaların köhnə görkəmini bərpa edən mütəxəssislər onları yenidən alıcılara təqdim ediləcək vəziyyətə gətirirlər. Hər buraxılışda köhnə materialların ustalıqla canlandırılması prosesi təqdim olunur.

Böyük Britaniya istehsalı olan «Salvage Hunters: The Restorers» televiziya layihəsi 2018-ci ildə yayıma başlayıb və 6 mövsümdən ibarətdir. Proqram qədim sənətkarlıq metodlarını və bərpa prosesinin incəliklərini nümayiş etdirir.