Dünya kapitanları

«Captains of the World» sənədli televiziya şousu 2022-ci il futbol üzrə dünya çempionatında qələbə uğrunda mübarizə aparan milli komandaların liderlərindən bəhs edir. Layihə çərçivəsində mötəbər turnirə qatılan kapitanların və idmançıların meydandakı və meydandan kənardakı addımları nümayiş olunur.

Ekran əsərində futbolçuların çempionat zamanı keçirdiyi hisslər, həlledici oyunlara hazırlıq prosesi və turnirin gedişatı təqdim edilir. İzləyicilər Lionel Messi, Qari Lineker, Sofi Martines Mateos və digər tanınmış simaların çıxışlarını və fikirlərini müşahidə edirlər.

Böyük Britaniya istehsalı olan bu idman şousu 2023-cü ildə işıq üzü görüb. Ekran işinin rejissorları Uilyam Frankom və Ulisses Netodur. Sənədli serial Qətərdə keçirilmiş 2022-ci il dünya çempionatının pərdəarxası məqamlarını əks etdirir.