BBC: O və O – Münasibətlərin sirləri

«BBC: Secrets Of The Sexes» sənədli TV-şousu qadınlar və kişilər arasındakı qarşılıqlı münasibətləri elmi nöqteyi-nəzərdən araşdırır. Layihə iki cins arasındakı fiziki və psixoloji fərqləri üzə çıxarmağı qarşısına məqsəd qoyur. Müəlliflər həmçinin insanların özlərinə partnyor seçərkən hansı meyarları əsas götürdüklərini dəqiqləşdirirlər.

Eksperimentlərdə iştirak etmək üçün beş qadın və beş kişi seçilib. Tədqiqatçılar sınaqlar vasitəsilə onların bacarıqlarını, xarakter cizgilərini və mənfi cəhətlərini hərtərəfli təhlil edirlər. Bu proses qəhrəmanları özlərinə və ətraflarındakı insanlara olan baxışlarını dəyişməyə vadar edir.

Böyük Britaniya istehsalı olan bu sənədli layihə 2005-ci ildə işıq üzü görüb. Ekran işinin rejissoru Piter Leonarddır.