BBC: Donmuş planet 2

Arktikanın buzlu sularından Antarktidanın ucqarlarına, qarlı şimal meşələrindən uca dağ zirvələrinə qədər uzanan soyuq ərazilər planetin ən sərt guşələridir. «Planet Earth: Frozen Planet II» sənədli televiziya layihəsi məhz bu dondurucu iqlimdə qorunub saxlanmış təbiətin vəziyyətini ekrana gətirir.

Verilişdə ekstremal mühitə uyğunlaşmağı bacaran canlıların gündəlik həyat mübarizəsi nümayiş olunur. Tamaşaçılar ağ ayıların, Sibir pələnglərinin, qarlı dağlarda yaşayan meymunların və pinqvinlərin həyat tərzini yaxından izləyir.

Böyük Britaniya istehsalı olan bu sənədli şou 2022-ci ildə işıq üzü görüb. Ekran işinin rejissorluğunu Aleks Lançester və Ceyn Atkins həyata keçirib, hekayəni isə Devid Attenboro səsləndirib.