Kainatın Möcüzələri

Bəşəriyyət hər zaman öz mövcudluğunu, haradan gəldiyini və bu dünyadakı yerini dərk etməyə çalışıb. Əcdadlarımızın izinə düşmək insanları sivilizasiyanın yarandığı ilk dövrlərə aparır. Əslində isə bu hekayə insanların yaranmasından çox əvvəl, bütün fəzanın doğuluşu ilə başlayıb.

Kainatın yaranmasından indiyə qədər təxminən 13,7 milyard il keçib və bu gün o, yüz milyarddan artıq qalaktikanı əhatə edir. Hər bir qalaktikada saysız-hesabsız ulduzlar mövcuddur. «Wonders of the Universe» sənədli televiziya şousu bu nəhəng xronologiyanı izah edərək insanların da həmin sistemin ayrılmaz parçası olduğunu göstərir.

Böyük Britaniya istehsalı olan layihə 2011-ci ildə nümayiş etdirilib. Ekran işinin rejissorları Kris Holt və Stiven Kuterdir, aparıcı qismində isə professor Brayan Koks çıxış edir.