Dinozavrlarla gəzinti: Böyük Al haqqında ballada

1991-ci ildə ABŞ-ın Vayominq ştatında arxeoloqlar demək olar ki, bütöv qalmış nəhəng bir allozavr skeleti aşkar etdilər. Alimlər tapılan bu yırtıcıya «Böyük Al» adını verdilər. Skeletdəki çoxsaylı qabırğa, pəncə və onurğa sınıqları tədqiqatçılara bu qədim canlının yumurtadan çıxdığı andan ölümünə qədər keçdiyi çətin yolu addım-addım bərpa etməyə imkan yaratdı.

«Dinozavrlarla gəzinti: Böyük Al haqqında ballada» sənədli televiziya şousu tamaşaçıları həmin allozavrın həyat salnaməsi ilə tanış edir. Süjet boyu mezozoy erasının canlılarının necə ov etdiyi, nəsil artırdığı və bir-biri ilə necə əlaqə saxladığı nümayiş olunur. Qədim dövrün nəhənglərini və təbiətini canlandırmaq üçün yaradıcı heyət xüsusi kompüter qrafikasından istifadə etmişdir.

Böyük Britaniya istehsalı olan bu layihə rejissor Keyt Bartlet tərəfindən lentə alınıb və 2000-ci ildə işıq üzü görüb. Mətni Kennet Brana və Everi Bruks səsləndirmişdir. Ekran əsəri məşhur paleontoloji elmi-kütləvi televiziya silsiləsinin bir hissəsidir.