Gələcəyin polisi

Tikinti sahəsində ağır işləri görmək məqsədilə "leybor" adlanan xüsusi robotlar istehsal olunur. Lakin cinayətkarlar tezliklə bu güclü texnikanı öz hədəfləri və qanunsuz silahlı toqquşmalar üçün uyğunlaşdırmağa başlayırlar.

Şəhərdə artan bu cür cinayətlərin qarşısını almaq üçün xüsusi mobil polis dəstəsi yaradılır. Asayiş keşikçiləri cinayətkarlara qarşı döyüşmək üçün elektroşok dəyənəkləri və iriçaplı tapançalarla təchiz edilmiş patleyborlardan — tikinti maşınlarının polis versiyasından istifadə edirlər.

"Kido keisatsu patoreba: The Movie" adlı tammetrajlı elmi-fantastik anime 1989-cu ildə Yaponiyada istehsal olunub. Rejissor Mamoru Osiinin çəkdiyi layihədə əsas rolları Toshio Furukawa, Miina Tominaga, Ryunosuke Obayashi və Yoshiko Sakakibara səsləndiriblər.