Gələcəyin polisi 3: Bədheybət

Tokio körfəzi ətrafında leyburların iştirakı ilə müəmmalı hadisələr baş verir. Təcrübəli detektiv Kusumi və onun gənc həmkarı Hata bu işin təhqiqatına başlayırlar. Hər iki polisin fərqli iş metodları olsa da, onlar addım-addım izinə düşdükləri hadisənin kökünü araşdırırlar.

Çox keçmədən axtarışlar onları Yaponiya və ABŞ hərbçilərinin gizli sövdələşməsinə aparıb çıxarır. Təhqiqat dərinləşdikcə Kusumi şübhələnməyə başlayır ki, bu sirli işlə Hataya yeni yaxınlaşmış genetik alim Saekonun birbaşa əlaqəsi var.

2001-ci il istehsalı olan «WXIII: Patlabor the Movie 3» tammetrajlı anime filmi Takuji Endo və Fumihiko Takayama tərəfindən çəkilib. Yaponiyanın bu elmi-fantastik kriminalla dolu layihəsində əsas rolları Katsuhiko Watabiki, Hiroaki Hirata və Atsuko Tanaka səsləndirib.